القاهرة: هاجم الفنان التشكيلي أحمد شيحة، ابنته الفنانة حلا شيحة قائلا إن تصرفاتها تضع عائلتها في موقف محرج.
وقال في تصريحات إعلامية: “كلام ما يصحش، وهي صورت الفيلم وكانت معجبة بيه جدا، والكلام ده ما أعرفش أساسه إيه، إنتي صورتي وخلاص.. مش دي حلا اللي أنا أعرفها”.
وأضاف قائلا: “كانت عاتبت تامر حسني في التليفون، وأنا حضرت أول يوم تصوير معاهم وكان فرحان بينا جدا، وأقول لتامر مبروك، الفيلم ناجح جدا نتيجة لمجهود أتعمل، وبهنئ الناس اللى اشتغلت فى الفيلم، والحمد لله الفيلم حقق إيرادات غير مسبوقة”.
وكانت عاتبت الفنانة المصرية حلا شيحة الفنان تامر حسني، على نشره مؤخرًا فيديو كليب يتضمن مشاهد رومانسية لهما من فيلمه الجديد "مش أنا"، وتوجهت له برسالة طويلة عبر حسابها الرسمي على "انستغرام"، دعته فيها إلى تدارك الخطأ والتوبة، فرد الأخير عليها بالقول: "مستاهلش منك كدا".
وقالت حلا إنها فوجئت بنشر "كليب يجمع فيه مشاهد متفرقة من الفيلم، وفي أيام ذي الحجة، أيام مباركة، وخصوصاً بعد اخر بوست نزلته، ووضحت فيه أنا ايه "..، في إشارة إلى ما نشرته سابقًا حول فيلم "مش أنا" بالتزامن مع نزول الفيلم، وذلك بعد إثارتها التساؤلات عن عدم مشاركتها بالترويج له، أو حضورها عرضه الخاص.
وكشفت الفنانة المصرية التي عادت لارتداء غطاء الرأس، بعد زواجها من الداعية معز مسعود، أنّ تامر حسني وعدها باحترام رغباتها وبعض الطلبات التي طلبتها منه فيما يتعلق بالفيلم الصيف الماضي على حد قولها.
وأعربت حلا شيحة عن حزنها قائلة: "بتكلم من قلبي، الكليب ده ميرضيش ربنا، وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها، وكلنا بنغلط، ولازم نغلط علشان احنا بشر، بس المصيبة إننا بنغفل وبننسى".
وأعلنت أنها تابت عن أداء هذا النوع من المشاهد، ودعت زملاءها إلى الحذر من "فتنة الشهرة والنجاح"، وأضافت: "الفن لو بيخلينا نبعد عن منهج ربنا، ومنبقاش قدوة لولادنا يبقي باطل، وميبقاش فن".
وذكّرت حلا تامر بفيديو قال فيه: "أنا مش بتمنى أموت وأنا مطرب، أنا دايماً خايف من كده.. كلام أكيد قولته في لحظة صدق جواك وجوانا كلنا." ودعته للتوبة بالقول: "شوفه تاني يمكن يفكرك إن جواك أكيد في صراع، وأنا وكلنا كلنا بنغلط، بس المهم في الاخر نتدارك الغلط و نصلح".
وختمت شيحة رسالتها لتامر حسني بآية من القرآن، قائلةً: "الله على كلام الله وجماله، يا سلام لو أصواتنا، ومواهبنا كلها نستعملها في الخير عشان يبقى فن بجد".
ولم يتأخر رد تامر حسني الذي خاطبها في تدوينةٍ نشرها عبر حسابه الرسمي على "فيسبوك" قال فيها: "الحقيقة عمري ما بتخيل إني أدخل في نقاش بالشكل دا مع زميل بحترمه، وكان في بينا كل خير... للتوضيح بما إنك يا حلا كتبت بوست، وأشركت الجمهور الكريم معانا بدال ما كنت تكلميني شخصياً ونتناقش بيني وبينك، فأنا مضطر أرد هنا برضو.."
ونفى حسني أنه وعد حلا بعدم نزول الفيديو كليب الذي فجّر الخلاف بينهما، قائلاً: "الحقيقه إني إحترمت كلامي معاك، ووعدتك أشيل مشاهد تانيه طلبتيها، وشلتها بالفعل، وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف، أو كلميه يبعتهالك كلها موجوده، وبعدين الفيلم بقاله ٣ أسابيع في السينمات، والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟.."
وأكد تامر حسني أنّ زميلته تقاضت مبلغا كبيرا على الفيلم، وكانت موافقة تماما على الدور الذي صورته بمنتهى الرضا على حد قوله، وتوجه للجمهور موضحا بأنه ومخرجة فيلم "مش أنا" تواصلا مع حلا لرؤيته قبل عرضه، لكنها كانت تتجاهل اتصالهما، ولم تكمل تركيب صوتها على الفيلم، أو تحضر جلسة تصوير "الأفيش".
وذكّر تامر حلا بشروط التعاقد وخطة الدعاية للفيلم قائلا: "أي فيلم بيبقى ليه خطه مسبقه في الدعاية، وإنتي عارفاها كويس، ووافقت عليها، ودا كليب رومانسي، يعني معقول كنتي عايزه المنتج يشيل كل مشاهدك اللي صورتيها من الكليب، و يطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!".
وختم تامر حسني رسالته المطولة لزميلته معاتبا، ومتهما إياها بالتجريح: "أنا زعلان منك جداً يا حلا على مفردات البوست بتاعك غير موفقة، ومستحيل هرد بطريقتك اللي فيها تجريح، واتهامات باطله ليا احتراما لحاجات كتير يمكن فايتاكي بس مش هتفوتني، وعلى فكره أنا واثق إنك عارفه إني مستاهلش منك كدا، وهكتفي بالتوضيح دا، وربنا يهدي الجميع، ويكتبلك كل الخير اللهم آمين."
